ЦХИНВАЛ, 20 фев – Sputnik. Хуссар Ирыстоны гарзджын тыхты фыццаг къухдариуӕггӕнӕг Джиоты Аланы (Парпат) номыл фыццаг майдан радтой йӕ бинонтӕн, хъусын кӕны хъахъхъӕнынады министрады пресс-службӕ.
Джиоты Аланы (Парпаты) номыл фыццаг майдан радтой йӕ бинонтӕн
© МО РЮО
Бӕрзонд хорзӕх райстой хъайтары хо Джиоты Алла ӕмӕ ныййарӕг Джиоты Елена. Республикӕйы хъахъхъӕнынады министр Гассеты Ибрагим ӕрдзырдта зындгонд ӕфсӕддон разамонджы сгуыхтдзинӕдтыл.
"Уый ӕххӕст уыд ирон хӕстоны хуыздӕр ӕууӕлтӕй: патриотизм, ӕхсар ӕмӕ хъайтардзинадӕй, уый равдыста хорз организаторон ӕмӕ командирон миниуджытӕ", - загъта министр.
Гассеты Ибрагим ма ӕрдзырдта Джиоты Аланы сгуыхтдзинӕдтыл республикӕйы ӕддейӕ, сӕрмагондӕй та Мӕхъӕлимӕ хӕсты ӕмӕ Абхазы.
Джиоты Аланы (Парпаты) номыл фыццаг майдан радтой йӕ бинонтӕн
© МО РЮО
Республикӕйы гарзджын тыхты фыццаг къухдариуӕггӕнӕг Джиоты Аланы ном сӕнусон кӕныны нысанӕн Хъахъхъӕнынады министрады 2020 азы августы сфидар кодтой майдан "Джиоты Алан".