ЦХИНВАЛ, 20 фев – Sputnik, Плиты Фатимӕ. Ӕрыгон боксертӕ Хуссар Ирыстонӕй систы ерыстӕ "Юность России" призертӕ. Турниры хорзӕхтыл тох кодтой 450 боксеры Уӕрӕсейы регионтӕй, фехъусын кодта Sputnik тренер Куымӕридтаты Родион.
"Гатыгкоты Аслан финалы ӕмсӕр тохы фӕхӕрд ис Капустин Максимӕн ӕмӕ ссис ӕвзист призер. Нӕ аннӕ минӕвар Цхуырбаты Арсен райста бронзӕйон хорзӕхы хицау",- загъта тренер.
Гуырахстджын ерыстӕ цыдысты Ставрополы крайы, Хуссар Ирыстонӕй дзы хайад райстой фондз лӕппуйы.
Хуссар Иры боксертӕ систы "Юность России"-йы призертӕ
© Фото из архива тренера Р. Кумаритова