ЦХИНВАЛ, 24 фев — Sputnik, Плиты Фатимӕ. Хуссары Ирыстоны столицӕйы алӕвӕндӕгтӕй иуыл сӕмбӕлдысты ВАЗ-2115 ӕмӕ Toyota Crown, фехъусын кодтой Sputnik мидхъуыддӕгты министрады пресс-службӕйы.
Авари ӕрцыд Тугъанты Махарбег ӕмӕ Хетӕгкаты Къостайы уынгты алӕвӕндагыл.
"Фӕндагон-транспортон цауы рӕстӕджы зианбаййафджытӕ нӕй. Бахъыгдард сты ӕрмӕст хӕдтулгӕтӕ. Ныридӕгӕн иртӕст цӕуынц аварийы аххосӕгтӕ", - загътой пресс-службӕйы.
Уым ма бафтыдтой, ацы алӕвӕндагыл ныридӕгӕн светофор кӕй нӕ кусы, фӕлӕ дзы ис фӕндагон нысӕнттӕ.