ЦХИНВАЛ, 11 мар — Sputnik. Цӕгатирыстойнаг уӕгъдибар хъӕбысӕйхӕцӕг Найфонты Артур ссис Уӕрӕсейы чемпионаты финалист, хъусын кӕны республикӕйы спорты министрады пресс-службӕ.
Олимпиаг хъӕзтыты размӕ Уӕрӕсейы чемпионат уӕгъдибар хъӕбысхӕстӕй райдыдта Улан-Удэйы.
Дунейы чемпионаты призер, Европӕйы дыууӕ чемпионаты уӕлахиздзау Найфонты Артур 86 килограммы уӕзы категорийы ӕрдӕг финалы рамбылдта 2020 азы Европӕйы чемпионы Магомед Рамазановы.
Финалы, кӕцы ацӕудзӕн майрӕмбоны, ирон спортсмен стох кӕндзӕн Даурен Куруглиевимӕ.