ЦХИНВАЛ, 17 мар - Sputnik, Хъуылымбегты Азæмæт. Транскавказаг автомагистраль нырма у æхгæд зæйты æрцыдæй тасы тыххæй, фехъусын кодтой Sputnik Хуссар Ирыстоны УУМ радгæсон хайады.
Транскам рæстæгмæ сæхгæдтой дыццæджы æхсæв тыхджын митуард æмæ зæйты æрцыдæй тасы тыххæй.
"Зæйтæ æруадзыны фæдыл службæтæ сгарынц трассæйы уавæр. Боны æртæ сахатæй фæстæмæ синоптиктæ рагзагъд кæнынц митуард, уымæ гæсгмæ фæндаг абон нæ бакæндзысты", - загътой УУМ.
Транскавказаг автомагистраль - бӕрзондхӕххон иунӕг трассӕ, кӕцы иу кӕны Хуссар Ирыстон Уӕрӕсеимӕ. Зымӕгон рӕстӕг фӕндагыл арӕх фӕзынынц зындзинӕдтӕ митуард ӕмӕ зӕйты тыххӕй. Арӕх республикӕ фӕиппӕрд вӕййы ӕнӕхъӕн дунейӕ цалдӕр бонмӕ зӕйты ӕрцыды аххосӕй.