ЦХИНВАЛ, 23 мар - Sputnik, Тъехты Дзерассӕ. Цхинвал-Дзау фӕндаджы ӕртыккаг километрыл, микрорайон "Цӕгаттаг"-ы цур сӕмбӕлдысты хӕдтулгӕтӕ ГАЗ-3110 "Волга" ӕмӕ ВАЗ-2114.
Цхинвал-Дзау фӕндагыл ФТЦ фӕстиуӕгӕн бахъыгдард сты дыууӕ шофыры
© Sputnik / Дзерасса Техова
Паддзахадон автоинспекцийы кусджытӕ фехъусын кодтой Sputnik, фӕндагон-транспортон цауы (ФТЦ) фӕстиуӕгӕн кӕй бахъыгдард сты дыууӕ адӕймаджы.
Дыууӕ шофыры дӕр буары цӕфтимӕ бакодтой республикон бирӕпрофилон медицинон центрмӕ. Уыдоны цардӕн ницы тас ис.
Барадхъахъхъӕнӕг органтӕ бӕрӕг кӕнынц аварийы ӕууӕлтӕ.