ЦХИНВАЛ, 31 мар - Sputnik. Хуссар Ирыстоны Мидхъуыддӕгты министрады (МХМ) сӕрмагонд нысаниуӕджы къорды (МСНК) дӕлхайӕдтӕ сӕххӕст кодтой асткилометрон марш-бросок Цхинвалы районы Хеиты хъӕуы, хъусын кӕны МХМ пресс-службӕ.
Ерысты хайадисджытӕ иууылдӕр ӕрбацыдысты дислокацийы бынатмӕ хӕстон экипировкӕ ӕмӕ табелон хӕцӕнгӕрзтимӕ, банысан кодтой уагдоны.
"Ерысты фӕстиуджытӕм гӕсгӕ уӕлахидзау ссис дыккаг оперативон ротӕ, уыдон равдыстой фӕразондзинад ӕмӕ хорз физикон цӕттӕдзинад", - загътой МХМ.
Дыккаг бынатыл ацыд МСНК фыццаг оперативон ротӕ, ӕртыккаг бынатыл та ӕртыккаг оперативон ротӕ.