ЦХИНВАЛ, 2 апр - Sputnik, Хъуылымбегты Зæлинæ. Цхинвалы байгом уыдзæн сгуыхт нывгæнæг, Хуссар Иры æмæ Уæрæсейы нывгæнджыты цæдисты уæнг Бигъуылаты Рудольфы равдыст.
Равдыст байгом уыдзæн 9 апрелы 14:00 сахатыл паддзахадон киноконцертон зал "Чермен"-ы. Хуссар Иры сгуыхт нывгæнæг кæсæджы размæ рахæсдзæн 70 куысты онг. Культурон мадзал адарддæр уыдзæн дыууæ къуырийы бæрц.
"Равдыст хуыйны "Мæхиимæ фембæлд" æмæ дзы æвдыст æрцæудзысты сæйраджыдæр фæстаг дæс азы бакæнгæ куыстытæ. Йæ ауадзыныл хъуыды кæнын фаронæй нырмæ, фæлæ йæ цалдæр хатты аргъæвтам пандемийы тыххæй", - загъта нывгæнæг.
Мадзалы организаторæй ралæууыд Хуссар Ирыстоны Нывгæнджыты цæдис республикæйы Культурæйы министрадимæ иумæ.