ЦХИНВАЛ, 9 апр — Sputnik. Цӕгатирыстойнаг уӕзисӕг Соттиты Яна рамбылдта ӕвзист майдан Европӕйы чемпионаты, хъусын кӕны республикӕйы спорты министрад.
Европӕйы чемпионаты уӕззау атлетикӕйӕ, кӕцы уагъд цӕуы Мӕскуыйы, ирон спортсменкӕ архайы 76 килограммы уӕзы категорийы.
"Соттиты Яна равдыста фӕстиуӕг 246 килограммы (112 + 134). Фӕстаг фӕлварӕны спортсменкӕ систа 137 килограммы, фӕлӕ тӕрхонгӕнджытӕ нӕ банымадтой ацы фӕлварӕн", - дзырдӕуы хъусинаджы.
Пресс-службӕйы бафтыдтой, зӕгъгӕ, спортсменкӕйы ерыстӕм бацӕттӕ кодтой Дзгъойты Олег ӕмӕ Тасойты Ӕхсарбег.