ЦХИНВАЛ, 21 апр - Sputnik, Хъуылымбегты Азæмæт. Ирон боксер Къæбысты Аслан 24 апрелы ауадздзæн профессионалон тох Краснодары, фехъусын кодта Sputnik спортсмен йæхæдæг.
Ирон боксеры ныхмæлæууæг уыдзæн дагестайнаг спортсмен Абубакар Абхалимов. Аслан дыууæ хатты фембæлд йемæ рингыл æмæ дыууæ хатт дæр ирон боксер рацыд уæлахиздзауæй.
"Цæттæ кæнæм нывæзтмæ гæсгæ. Рахиздзæн æмæ сын фенын кæндзынæн, мæ бон цы у, уый", - загъта Къæбысты Аслан.
Ныхмæлæуд уыдзæн æхсæзраундон. Аслан тохмæ ацæудзæн тренерты къордимæ боксерон клуб "Ариана"-йæ, цы ран уый тренировкæ кæны Сланты Виталиймæ.
Къæбысты Асланыл цæуы 23 азы. Профессионалон рингыл ын дебют уыд2017 азы. Ныртæккæ йæ хыгъдыл ис авд тохы æнæ иу фæхæрдæй дæр.