ЦХИНВАЛ, 27 апр - Sputnik. Президент Бибылты Анатолий арвитдзӕн ныстуан Хуссар Ирыстоны адӕм ӕмӕ парламентмӕ 17 майы, хъусын кӕны паддзахады сӕргълӕууӕджы пресс-службӕ.
"Паддзахады сӕргълӕууӕг банысан кӕндзӕн мидӕггагон ӕмӕ ӕддагон политикӕйы сӕйраг здӕхтытӕ, афтӕ ма сбӕлвырд кӕндзӕн Республикӕ Хуссар Ирыстоны социалон-экономикон райрӕзты къахдзӕфтӕ", - дзырдӕуы хъусинаджы.
Уый размӕ президент арвыста ныстуан адӕм ӕмӕ парламентмӕ 2020 азы марты. Уый уыд паддзахады сӕргълӕууӕджы фыццаг ныстуан адӕм ӕмӕ депутаттӕм.