ЦХИНВАЛ, 17 июн - Sputnik, Козаты Диана. Хуссар Ирыстоны пенситӕ синдексаци кодтой ӕхсӕз процентӕй фылдӕр. Скъуыддзаг рахастой цыппӕрӕмы хицауады рабадтыл.
Ӕнӕниздзинад хъахъхъӕнынады министр Наниты Сослан банысан кодта, уынаффӕ кӕй бацӕттӕ кодтой президенты ныстуаныл ӕцойгӕнгӕйӕ.
"Нывӕндӕм синдексаци кӕнын пенситӕ 6,6 проценты бӕрц 2021 азы январӕй фӕстӕмӕ фӕлхыгъдимӕ", - загъта министр.
Пенсион фонды разамонӕг Тыбылты Азайы ныхӕстӕм гӕсгӕ, уагдон цӕттӕ у бафидын фӕфылдӕргонд пенситӕ. Фӕлгхыгъд хынцгӕйӕ уымӕн бахъӕудзӕн 54 милуан сомы.