ЦХИНВАЛ, 25 июн - Sputnik. Хуссар Ирыстоны президент Бибылты Анатолий сарæзта вакцина коронавирусон инфекцийы ныхмæ, фехъусын кодта паддзахады разамонæджы пресс-секретарь Гасситы Дина.
"Президент бацыд майрæмбоны РБМЦ поликлиникæмæ вакцинаци рацæуыны нысанæн. Уæрæсейаг вакцина "Спутник-V" саразыны фæстæ Бибылты Анатолий йæхи хаты хорз æмæ æрвиты бон йæ кусæгон графикмæ гæсгæ", - загъта уый.
Хуссар Иры президент сарæзта уæрæсейаг вакцина "Спутник V" коронавирусы ныхмæ
© Пресс-служба президента РЮО
Паддзахады разамонæг банысан кодта массон вакцинацийы ахсджиагдзинад, куыд COVID-19 парахат æруромыны иунæг фæрæз.
"Адæймаг кæд йæхи бæрнджыныл нымайы æхсæнады раз, уæд хъуамæ сараза вакцинæ. Хъыгагæн мах ферох вæййы COVID-19-æй адæм кæй амард. Не ʻхсæнадæн уый у стыр зиан. Уый тыххæй хъæуы æрмæст дæхиуыл хъуыды нæ, фæлæ дæ алыварс чи ис, уыдоныл", - загъта президент.
Хуссар Ирыстоны Ӕнæниздзинад хъахъхъæнынады министр Наниты Сослан, кæцы уыд процедурæйы рæстæджы уым фехъусын кодта президентæн коронавирусы инфекцийы фæдыл уавæры тыххæй æмæ вакцинацийы темптыл, кæцы фæфылдæр ис фæстаг къуыри.