ЦХИНВАЛ, 8 июл - Sputnik. Хуссар Ирыстоны президент Бибылты Анатолий схорзӕхджын кодта "Фыдыбӕстӕ хъахъхъӕнӕгӕн" майданӕй президенты паддзахадон уынаффӕгӕнӕджы, историон зонӕдты кандидат Пухаты Константины.
Президент банысан кодта Пухаты Константины сгуыхтдзинӕдтӕ Хуссар Ирыстоны хӕдбардзинадыл тохы рӕстӕджы, афтӕ ма йӕ хайбавӕрд паддзахады райрӕзты историон аспектты анализмӕ.
Бибылты Анатолий схорзӕхджын кодта Пухаты Константины "Фыдыбӕстӕ хъахъхъӕнӕгӕн" майданӕй
© Пресс-служба президента РЮО
Пухаты Константин загъта бузныг президентӕн ӕмӕ йӕ цӕст бауарзта Хуссар Ирыстоны адӕмӕн сабырдзинад ӕмӕ хӕрзӕбон.
"Стыр намыс у, бӕстӕйы къухдариуӕгад аккаг аргъ кӕй кӕны дӕ гыццыл къахдзӕфӕн. Ахӕм рӕстӕг уыд, ӕмӕ хӕцӕнгарзыл хӕцын йӕ бон кӕмӕн уыд, уыдон иууылдӕр слӕууыдысты сӕ Фыдыбӕстӕ бахъахъхъӕнынмӕ. Стыр бузныг афтӕ мын кӕй саргъ кодтат мӕ хуымӕтӕджы хайбавӕрдӕн. Хуыцау нӕ бахизӕт хӕцӕнгарз ногӕй нӕ къухтӕм сисынӕй", - загъта паддзахадон уынаффӕгӕнӕг.
Бибылты Анатолий схорзӕхджын кодта Пухаты Константины "Фыдыбӕстӕ хъахъхъӕнӕгӕн" майданӕй
© Пресс-служба президента РЮО