ЦХИНВАЛ, 13 июл - Sputnik. Хуссар Ирыстоны уӕрӕсейаг ӕфсӕддон базӕйы мотоӕхсӕн дӕлхайӕдтӕ скуынӕг кодтой "ныхмӕлӕууӕджы" лагерь танктӕ ӕмӕ артиллерийы ӕххуысӕй, хъусын кӕны дыццӕджы Хуссар ӕфсӕддон зылды пресс-службӕйы хистӕр Вадим Астафьев.
Пресс-службӕйы радзырдтой, ӕфсӕддон базӕйы разӕсгарӕн дӕлхайӕдтӕ кӕй рацахстой дзырдӕй террористы баныхас ӕмӕ сбӕрӕг кодтой хӕхты ӕмбӕхст лагерь. Уый фӕстӕ мотоӕхсӕн ротӕ рацыд "Дзарцъем"-ы полигонмӕ, ӕрӕхгӕдта ныхмӕлӕууӕджы ахизӕнтӕ ӕмӕ йӕ скуынӕг кодта алыгъуызон хӕцӕнгӕрзтӕй пайдагӕнгӕйӕ.
"Артиллерион хӕдтулгӕтӕ 2С3 "Акация" 10 минуты дӕргъы ӕхстой "террористты" лагерь 152-мм сармадзантӕй, уый фӕстӕ мотоӕхсджытӕ танкты ӕххуысӕй ацыдысты лагерьмӕ", - банысан кодта Астафьев.
Ахуырты ӕдӕппӕт хайад райстой уӕрӕсейаг базӕйы 400 ӕфсӕддоны ӕмӕ техникӕйы 60 иуӕджы.