ЦХИНВАЛ, 19 июл - Sputnik. Хуссар Ирыстоны ивгъуыд къуыри ӕрцыд ӕртӕ фӕндагон-транспортон цауы (ФТЦ), хъусын кӕны республикӕйы Мидхъуыддӕгты министрады (МХМ) пресс-службӕ.
ФТЦ, кӕцыйы фӕстиуӕгӕн бахъыгдард сты фондз адӕймаджы, ӕрцыд Цхинвал-Знауыр фӕндагыл ивгъуыд хуыцаубоны. Шофыр, кӕцы уыд нозтджын, нӕ сырӕхст скъӕрын ӕмӕ ахаудта дӕлбыл.
"ФТЦ фӕстиуӕгӕн фондз адӕймаджы буары цӕфтимӕ бакодтой Республикон бирӕпрофилон медицинон центрмӕ", - дзырдӕуы хъусинаджы.
Афтӕ ма ивгъуыд къуыри республикӕйы территорийыл регистрацигонд ӕрцыд дыууӕ фыдракӕнды, уыдонӕй иу раргом кодтой. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы.