ЦХИНВАЛ, 23 июл - Sputnik, Хъуылымбӕгты Зӕлинӕ. Фыццӕгӕм августӕй ӕхсӕнадон траспортыл цӕуыны аргъ фӕфылдӕр уыдзӕн 50 сомы, фехъусын кодта Sputnik автомобилон транспорты дӕлхайады хистӕр Дудайты Альберт.
Ӕрвылбон уагдон ӕрвиты ӕртӕ рейсон автобусы Цӕгат Ирыстонмӕ. Ныридӕгӕн Дзӕуджыхъӕумӕ автобусыл билеты аргъ у 350 сомы.
"Ногдзинад баст у ӕртаджы аргъы фӕфылдӕримӕ. Уый хыгъд 1 августӕй билеты аргъ Дзӕуджыхъӕумӕ схиздзӕн 400-мӕ. Хуссар Ирыстоны бынӕттон тарифтӕ нӕ фӕивдзысты", - банысан кодта уый.
Дудайты Альберт ма бафтыдта, ивындзинӕдтӕ уыдзӕн сӕ куысты графикы дӕр.