ЦХИНВАЛ, 26 июл — Sputnik. Цæгат Ирыстоны сæудæджерад æмæ транспорты министрад суыдзæн сæудæджерад æмæ базарады министрад. Транспорты фарстытæ та уыдзысты фæндагон хæдзарады комитеты бæрны, хъусын кæны 15-ӕм регион.
Ӕмбæлон уынаффæ æрвылкъуырион аппаратон рабадты бахаста республикæйы сæргълæууæджы хæстæ рæстæгмæ æххæстгæнæг Сергей Меняйло.
Йæ ныхæстæм гæсгæ, хицауады радон æмбырды министрты кабинет ацы фарстмæ лæмбынæгæй æркæсдзæн.
Уæ зæрдыл уын æрлæууын кæнæм, уый размæ куыд хъусын кодтой, афтæмæй иу структурæйы иугонд æрцæудзысты арæзтад æмæ архитектурæйы министрад æмæ цæрæнуатон-коммуналон хæдзарад, артаг æмæ энергетикæйы министрад.