ЦХИНВАЛ, 5 авг - Sputnik, Плиты Фатимӕ. Хуссар Ирыстоны Знауыры районы фӕуд кӕны бирӕуӕладзыгон хӕдзары арӕзтад, фехъусын кодтой Sputnik районы пресс-службӕйы.
Республикӕйы социалон-экономикон райрӕзты Инвестицион нывӕзты фӕлгӕтты Знауыры районы арӕзт ӕрцӕудзӕн ӕмткӕй дыууӕ 18-фатерон хӕдзары. Хуссар Ирыстоны ацы районы дӕр актуалон у цӕрӕнуаты фарст.
"Бирӕуӕладзыгон хӕдзӕрттӕй иу ныридӕгӕн у цӕттӕ, ӕххӕст цӕуынц мидӕггагон куыстытӕ, хӕрзарӕзт цӕуы кӕрт. Уым ма хъуамӕ уа хӕдтулгӕтӕ уромӕн ӕмӕ адӕмӕн улӕфӕн бынӕттӕ", - хъусын кӕны пресс-службӕ нардуатон организаци "Престиж"-ы хистӕр Беппиты Иналы ныхӕстӕ.
Пресс-службӕйы ма фехъусын кодтой, арӕзтад кӕй цӕуы графикӕй раздӕр.