ЦХИНВАЛ, 10 авг – Sputnik. Хуссар Ирыстоны президент Бибылты Анатолий тӕфӕрфӕс ракодта Цӕгат Ирыстоны сӕргълӕууӕджы хӕстӕ ӕххӕстгӕнӕг Сергей Меняйлойӕн Дзӕуджыхъӕуы тагъд ӕххуысы рынчындоны трагедийы фӕдыл, кӕцыйы фӕстиуӕгӕн амардысты 11 пациенты. Уый тыххӕй хъусын кӕны паддзахады сӕргълӕууӕджы пресс-службӕ.
"Зӕрдӕхъыгӕй райстам хъусинаг Дзӕуджыхъӕуы тагъд ӕххуысы рынчындоны пациентты амӕлӕты фӕдыл, кӕцытӕ амардысты туаггуыры ифтонггарзы техникон аварийы фӕстиуӕгӕн", - хъусын кӕны Бибылты Анатолийы ныхӕстӕ йӕ пресс-службӕ.
Паддзахады сӕргълӕууӕг тӕфӕрфӕс ракодта фӕмардуӕвджыты бинонтӕн ӕмӕ йӕ цӕст бауарзта фидар ӕнӕниздзинад хъыгдардбаййафджытӕн.
Тагъд ӕххуысы рынчындоны къуырисӕры ӕрцыд авари туаггуыры станцыл – спырх ис зӕххы бын хӕтӕл. Амардысты фараст адӕймаджы. Дыццӕджы фехъусын кодтой ноджы дыууӕ фӕмардуӕвӕджы тыххӕй.