ЦХИНВАЛ, 10 авг— Sputnik, Хъуылымбегты Зӕлинӕ. Хуссар Ирыстоны ивгъуыд суткӕ коронавирус сбӕрӕг кодтой 16 адӕймагӕн, фехъусын кодта Sputnik дыццӕджы республикӕйы сӕйраг санитарон дохтыр Коцты Марина.
Йӕ ныхӕстӕм гӕсгӕ, Югосетпотребнадзоры ПЦР-лабораторийы къуырисӕры сарӕзтӕуыд 186 иртӕсты COVID-19-ы фӕдыл.
"Иу суткӕмӕ ӕвӕрццаг фӕстиуӕг равдыста 16 адӕймагӕн, медицинон хыгъдӕй систой 12 ӕмбӕстаджы. Медикты хъусдарды бын сты 473 пациенты", - банысан кодта Коцты Марина.
Цӕстдардон уагдоны ПЦР-лабораторийы пандемийы райдайӕнӕй COVID-19 раиртасыны тыххӕй сарӕзтӕуыд 30 042 иртӕсты, уыдонӕй ӕвӕрццаг фӕстиуӕг равдыстой 4454. Медикты хъусдардӕй ссистӕуыд 3781 пациенты.