ЦХИНВАЛ, 11 авг - Sputnik. Цхинвалы 32-аздзыд цӕрӕджы кӕрты ссардтой гӕны 32 къутӕры, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ.
"Басгӕрсты рӕстӕджы милицийы кусджытӕ ссардтой гӕны 32 къутӕры. Наркотикон буарадимӕ зайӕгойтӕ арвыстой экспертизӕмӕ", - дзырдӕуы уагдоны хъусинаджы.
Нӕлгоймаджы азымджын кӕнынц "Ӕнӕзаконон рӕзын кӕнын зайӕгойты, кӕцыты ис наркотикон, кӕнӕ психотропон буарадтӕ" статья фехалыны.
Цауы фӕдыл басгӕрст уадзы республикӕйы МХМ наркотиктӕм хъусдарды дӕлхайад.