ЦХИНВАЛ, 13 авг — Sputnik, Плиты Фатимӕ. Хуссар Ирыстоны ӕххуысхъуаг бинонтӕ исынц гуманитарон ӕххус. Сӕкӕры голджыты уал райстой Дзауы ӕмӕ Знауыры районы тыхст адӕм, ныр та рцыд горӕт Къуайсайы рад.
"Президенты администраци рахицӕн кӕндзӕн ӕххуыс Къуаисайӕн, горӕты уыдон хъусдардмӕ бахаудзысты бирӕсывӕллонджын ӕмӕ ӕххуысхъуаг бинонтӕ ӕмӕ сидзӕртӕ", - загъта Sputnik Къуайсайы мэр Бӕззаты Геннадий.
Дзуары районы пресс-службӕйы кусӕг Тедеты Лиана радзырдта Sputnik, районы 70 бинонтӕ райстой се 'ххуыс ацы къуыри.
"Ӕххуыс кӕмӕ ӕмбӕлы, уыдон номхыгъдтӕ бацӕттӕ кодтой районы администрацийы развӕлгъау ",- загъта Тедеты Лиана.
Гуманитарон акци уымӕй размӕ ацыд Знауыры районы дӕр.
Хуссар Иры районы цӕуынц гуманитарон акцитӕ
© Пресс-служба Дзауского района