ЦХИНВАЛ, 17 авг - Sputnik, Гæбæраты Элина. Хуссар Ирыстоны Республикон бирæпрофилон медицинон центры ацыд майдантæ "Пандеми COVID-19 ныхмæ тохы тыххæй" дæттыны церемони. Хистæр, астæуккаг æмæ кæстæр медперсоналы дæсгай минæвæрттæ райстой æмбæлон хорзæхтæ хицауады сæрдар Бекъойты Геннадийы къухтæй.
"Пандеми ссис стыр фыдæвзарæн куыд æнæниздзинадхъахъхъæнынады системæйæн, афтæ алкæцы медицинон кусæгæн дæр, кæцытæ æнæ фынæй æмæ улæфтæй тох кодтой ног дунейон тасимæ. Сымах æрвылбон дæр ирвæзын кодтат адæмы цард "сырх зонæйы", уæхиуыл нæ аууæрстат, афтæмæй. Стыт бузныг уын уын уый тыххæй президент æмæ хицауады номæй", - загъта Бекъойты Геннадий.
Къорд медикы хорзæхыджын æрцыдысты амæлæты фæстæ.
Хицауады сæрдар банысан кодта, медицинон уагдæтты кусджыты мыздтæ æмæ фиддонты фæдыл фарстытæ скъуыддзаг æрцæудзысты августы кæрæттæм.
Ӕнæниздзинадхъахъхъæнынады министр Наниты Сослан куыд бахахх кодта, афтæмæй арæзт æрцыд ног къамис финансон фарстыты фæдыл, æмæ æввахс рæстæджы уагъд æрцæудзæн ресизи, кæцы хъуамæ аскъуыддзаг кæна медикты фарстытæ иууылдæр.