ЦХИНВАЛ, 20 авг — Sputnik, Плиты Фатимӕ. Хуссар Ирыстоны барадхъахъхъӕнӕг органтӕ республикӕйы дыууӕ районы ссардтой 30 бынӕй фылдӕр гӕн, фехъусын кодта Sputnik мидхъуыддӕгты министрады пресс-службӕйы кусӕг Бестауты Вида.
Гӕн хъӕддаг ӕмӕ сӕрмагонд сагъдӕй ссардтой Цхинвал ӕмӕ Дзауы районты.
"Цхинвалы районы Арцеуы хъӕуы Мидхъуыддӕгты министрады кусджытӕ ссардтой 8 быны хъӕддаг гӕн. Уымӕй дарддӕр ма ацы районы Андисы хъӕуы цӕрӕгмӕ ссардтой сагъд дыууӕ быны гӕн. Районы тӕрхондон скъуыддзагмӕ гӕсгӕ, сӕ хицау хӕссы административон бӕрндзинад", - загъта уый.
Мидхъуыддӕгты министрады Дзауы районы управлени та Ручъы хъӕуы ссардта гӕны бынтӕ.
"Дзауы районы Ручъы хъӕуы дыууӕ бынаты рабӕрӕг кодтой гӕны бынтӕ - ӕхсӕз ӕмӕ 17 быны ӕнӕзакъонӕй зайын кодтой. Ацы цауты фӕдыл нырма тӕрхондоны скъуыддзаг нӕй",- бафтыдта Бестауты Вида.