ЦХИНВАЛ, 21 авг — Sputnik, Плиты Фатимӕ. Хуссар Ирыстоны столицӕйы цӕгатварс сараздзысты социалон цӕрӕнуӕтты 225 фатеры. Сӕ иу хай арӕзт фӕуыдзӕн рбалӕугӕ аз, радзырдта Sputnik арӕзтадон организаци "СТМ-Юг" - сӕйраг инженер Хъантеты Таймураз.
Цхинвалы цӕгатварс сараздзысты социалон цӕрӕнуӕтты 225 фатеры
© Sputnik / Фатима Плиева
Ӕртӕ фондзуӕладзыгон корпусы арӕзт цӕуынц раздӕры фабрикӕйы бынаты.
"Арӕзт цӕуынц ӕртӕ корпусы фӕйнӕ 75 фатеры - иу дзы сырӕзт, дыккаг амад цӕуы, ӕртыккагӕн ӕвӕрд ӕрцыд йӕ бындур. Ног аз дзы иу уыдзӕн цӕттӕ, дыууӕйы арӕзтады фӕуд нысангонд у 2023 азмӕ", - загъта Хъантеты Таймураз.
Йӕ ныхӕстӕм гӕсгӕ, микрорайоны хӕрзарӕзты фӕлгӕтты хъавынц саразын сывӕллӕтты фӕзуат.
Социалон цӕрӕнуӕтты арӕзтад цӕуы Хуссар Ирыстоны социалон-экономикон райрӕзты Инвестицион нывӕзты фӕлгӕтты.
Цхинвалы цӕгатварс сараздзысты социалон цӕрӕнуӕтты 225 фатеры
© Sputnik / Фатима Плиева