ЦХИНВАЛ, 30 авг — Sputnik, Плиты Фатимӕ. Хуссар Ирыстоны боксерты командӕ стох кӕндзӕн ӕппӕтуӕрӕсейон ерыстӕ "Юность России"-йы. Къорды сконды ис 2006-2007 ӕзты гуырд тыхджындӕр боксертӕ, загъта Sputnik Боксы скъолайы директоры хӕдивӕг Кокойты Ирбег.
Гуырахстджын турниры Хуссар Ирыстоны спортивон кад хъахъхъӕндзысты Боксы скъолайы дыууӕ минӕвар - Коцты Артур ӕмӕ Уалыты Сослан, стӕй ма Спорты галуан "Олимп"-ы хъомылгӕнинаг Ян Яралов.
"Ӕртӕ лӕппуйӕ цӕуынц, уыдон сты ацы кары фӕсивӕды 'хсӕн цӕттӕдӕр спортсментӕ. Боксертӕн ерыстӕ уыдзысты ӕвзарӕн этап Уӕрӕсейы фыццагадмӕ", - загъта Кокойты Ирбег.
Ӕппӕтуӕрӕсеон ерыстӕ "Юность России" цӕудзысты 12 сентябры Ставрополы.