ЦХИНВАЛ, 1 сен - Sputnik, Плиты Фатимӕ. Хуссар Ирыстоны Ӕвзонг техникты станц хоны гом дуӕрттӕ бонмӕ - мадзалы фенӕн уыдзӕн ахуырдзауты куыстыты равдыст ӕмӕ ахуыргӕнджыты мастер-класстӕ, фехъусын кодта Sputnik уагдоны директор Калаты Нариман.
Гом дууӕртты бон ацӕудзӕн Ӕвзонг техникты станцы раз, Ногдзауты парчы 6 сентябры.
"Нӕ нысан у равдисын, цы кружоктӕ кусынц Ӕвзонг техникты станцы, цӕмӕй скъоладзаутӕ феной нӕ фадӕттӕ. Нӕ ахуырдзауты куыстытӕ рахӕсдзыстӕм равдыстмӕ, ахуыргӕнджытӕ та дӕтдзысты мастер-класстӕ, сӕ мигӕнӕнтӕ дӕр рахӕсдзысты кӕртмӕ",- загъта директор.
Йӕ ныхӕстӕм гӕсгӕ, скъоладзаутӕ ӕмӕ сӕ ныййарджытӕн фадат уыдзӕн равзарын ӕрмдӕсныйады кружок. Мадзал райдайдзӕн 11 сахатыл.