ЦХИНВАЛ, 6 сен — Sputnik. Хуссар Ирыстоны территорийыл ивгъуыд къуыри срегистраци кодтой ӕртӕ фыдракӕнды, уыдонӕй дыууӕ рабӕрӕг кодтой минхъуыддӕгты органты кусджытӕ. Уый тыххӕй хъусын кӕны республикӕйы МХМ пресс-службӕ.
Афтӕ ма ацӕугӕ къуыри республикӕйы фӕндӕгтыл сарӕзтӕуыд дыууӕ авари. Фӕндагон-транспортон цауты фӕстиуӕгӕн бахъыгдард сты дыууӕ адӕймаджы.
"Паддзахадон автоинспекцийы кусджытӕ сбӕрӕг кодтой фӕндагон змӕлды 156 фӕткхалды. Фондз шофыры ныхмӕ сарӕзтӕуыд административон протоколтӕ автотранспорт нозтджынӕй скъӕрыны тыххӕй", - радзырдтой пресс-службӕйы.
Ӕхсӕнадон фӕтк фехалыны тыххӕй милицийы кусджытӕ бӕрнмӕ ӕрбаздахтой ӕртӕ адӕймаджы, уыдонӕй иуӕн тӕрхондон рахаста административон ӕфхӕрд.