ЦХИНВАЛ, 16 сен – Sputnik, Тъехты Дзерассӕ. Цхинвалы театралон фӕзуаты ацыд парады генералон репетици, кӕцы нывонд у Республикикӕйы бонӕн.
Цытджын мадзал ацӕудзӕн къуырисӕры, 20 сентябры. Театралон фӕзуатыл рацӕудзысты Хъахъхъӕнынады, Мидхъуыддӕгты, Уӕлвӕткон уавӕрты ӕмӕ Юстицийы министрӕдты парадон къордтӕ, стӕй ма Паддзахадон ӕдасдзинады комитеты арӕнхъахъхъӕнджытӕ ӕмӕ Уӕрӕсейы 4-ӕм ӕфсӕддон базӕйы службӕгӕнджытӕ ӕмӕ Уӕрӕсейы федералон ӕдасдзинады службӕйы арӕнгӕрон хайады кусджытӕ.
Уымӕй дарддӕр ма парады рацӕудзысты Хъахъхъӕнынады министрады танкисттӕ, кӕцытӕ архайдтой "Танковый биатлон"-ы.
Мидхъуыддӕгты министры ӕххуысгӕнӕг, булкъон Багаты Мараты ныхӕстӕм гӕсгӕ, Республикӕйы бон у иууыл ахсджиагдӕр бӕрӕгбонтӕй иу.
"Ӕрвылаз парады рацӕуынц фӕрсӕй-фӕрстӕм уӕрӕсейаг ӕмӕ хуссаирыстойнаг ӕфсӕддонтӕ, мах хъомӕ уынӕм ӕмӕ ӕмбарӕм сабырад кӕй хъахъхъӕнынц аккаг адӕм", - загъта уый.
20 сентябыры 1990 азы Адӕмон депутаты совет рахаста уынаффӕмӕ Хуссар Ирыстоны автономон областы статус скӕнын Хуссар Ирыстоны Демократон Республикикӕмӕ Советон цӕдисы сконды. Ацы къахдзӕф уыд фыццаг хӕдбардзинадмӕ фӕндагыл. 20 сентябырь та ссис сӕйраг паддзахадон бӕрӕгбонтӕй сӕ иу.