ЦХИНВАЛ, 23 сен - Sputnik, Плиты Фатимӕ. Хуссар Ирыстоны ӕртӕхаттон дезинфекцийы фӕстӕ фӕсаст африкӕйаг емынӕйы эпидеми, фехъусын кодта Sputnik ветеринарон зонӕдты кандидат Лолаты Владимир.
Хуссар Ирыстоны дыууӕ раны - Ленингор ӕмӕ Цхинвалы районы сӕрды сбӕлвырд кодтой африкӕйаг емынӕ. Йӕ апарахат ма руадзыны тыххӕй ист ӕрцыдысты мадзӕлттӕ.
"Июны емынӕ куы фӕзынд, уӕдӕй нырмӕ ист цӕуынц ӕмбӕлон мадзӕлттӕ. Низ цы хъӕуты фӕзынд, уым ӕртӕ хатты сарӕзтой дезинфекци. Ӕдзух хъусдард ис дезгӕрӕнтӕм", - загъта уый.
Йӕ ныхӕстӕм гӕсгӕ, эпидеми цы зонӕты уыд, уым ныридӕгӕн фос нал цагъды кӕнынц.