ЦХИНВАЛ, 23 сен — Sputnik. Уӕрӕсейы Ӕнӕниздзинад хъахъхъӕнынады министрад баныфсӕвӕрдта йӕ коллегӕтӕн Хуссар Ирыстонӕй, кӕй баххуыс кӕндзысты ӕнӕниздзнад хъахъхъӕнынады фадыгӕн. Уый тыххӕй хъусын кӕны республикон уагдоны пресс-службӕ.
Ӕмгуыстады фарстытыл ӕрдзырдтой Хуссар Ирыстоны ӕнӕниздзинад хъахъхъӕнынады министр Наниты Сослан ӕмӕ УФ ӕнӕниздзинад хъахъхъӕнынады министры фыццаг хӕдивӕг Виктор Фисенкойы фембӕлды рӕстӕджы.
Фембӕлды боны фӕткы уыд дыууӕ фарсты: коронавирусон инфекцийы ныхмӕ тохы ӕмархайд ӕмӕ Хуссар Ирыстоны ӕнӕниздзинад хъахъхъӕнынады фадыджы модернизаци.
Наниты Сослан загъта бузныг Виктор Фисенкойӕн ӕххуысы тыххӕй ӕмӕ банысан кодта, кӕй ӕнхъӕлмӕ кӕсы дарддӕры дыууӕварсон ӕмгуыстадмӕ.