ЦХИНВАЛ, 27 сен - Sputnik, Хъуылымбегты Азӕмӕт. Хуссар Ирыстоны хуыцаубоны ацыд командон чемпионат шахматтӕй скъоладзауты хсӕн, фехъусын кодта Sputnik республикӕйы шахматты Федерацийы президент Саулохты Георгий.
"Фыццаг бынатыл ацыд скъола "Альбион", дыккагыл ацыдысты скъола-интернаты шахматисттӕ ӕмӕ ӕртыккаг бынат та бацахста гимнази "Рухс". Ацы мадзал уагъд цӕуы фондз аз фӕд-фӕдыл, фӕлӕ ахӕм тыхджын сконд ӕз нырма нӕ федтон", - загъта Саулохты Георгий.
Чемпионат ацыд скъола-интернаты. Хайад дзы райстой горӕт ӕмӕ районты скъолаты ахуырдзаутӕ. Шахматты турниры организатортӕ уыдысты: республикӕйы шахматты Федераци, скъола-интернат ӕмӕ РХИ фӕсивӕдон политикӕ ӕмӕ спорты фӕдыл комитет.