ЦХИНВАЛ, 29 сен - Sputnik, Плиты Фатимӕ. Хуссар Ирыстоны Дзауы районы ахицæн спорты сгуыхт кусӕг Бежанты Зелимы номарӕн турнир футболæй скъолаты командӕты хсӕн, фехъусын кодта Sputnik тренер Кокойты Юрий.
Ӕдӕппӕтӕй призтыл тохы бацыд 12 командӕйы.
"Турниры уӕлахиздзау ссис командӕ "Альбион", дыккаг призер у гимнази "Рухс"-ы командӕ, ӕртыккаг бынатыл ацыд фыццӕгӕм скъола",- загъта тренер.
Бежанты Зелимы номарӕн турнир футболæй
© Пресс-служба комитета спорта
Уымӕй дарддӕр ма турниры фӕлгӕтты рабӕрӕг кодтой хуыздӕр футболистты.
Турниры хуыздӕр хъазӕгыл банымадтой Тасойты Арсены, хуыздӕр дуаргӕс уыд Годжыцаты Александр, хуыздӕр хъахъхъӕнӕг - Багаты Барсӕг, ӕрдӕгхъахъхъӕнӕг - Джиоты Инал, хуыздӕр размӕбырсӕг - Бежанты Владислав ӕмӕ хуыздӕр бомбардир - Гатыгкоты Тимур.