ЦХИНВАЛ, 29 сен - Sputnik. Хуссар Ирыстоны хъахъхъӕнынады министрады офицертӕн лекциты рӕстӕджы бамбарын кодтой пенсион ифтонгады фарстытӕ ӕмӕ контрактмӕ гӕсгӕ службӕйы лыстӕгдзинӕдтӕ ӕмӕ ма стӕй ӕндӕр фарстытӕ.
Офицертӕн ахуыртӕ уагъта Хуссар Ирыстоны хъахъхъӕнынады министры ӕрхуыссгӕнӕг барадон куысты фӕдыл Собайты Григорий, фехъусын кодта хъахъхъӕнынады министрады пресс-службӕ.
"Ацы ахуыртӕ цӕуынц, цӕмӕй бамбарын кӕной Хуссар Ирыстоны ӕфсӕддон службӕйы барты нормӕтӕ",- загъта Собайты Григорий.
Ахуыры ӕлхынцъгӕнӕн этапы ацыд "фарст-дзуаппы" форматы. Специалист бӕстонӕй бамбарын кодта цы фарстытӕ сӕ цымыдис кодтой, уыдон, фехъусын кодтой хъахъхъӕнынады министрады пресс-службӕйы.