ЦХИНВАЛ, 4 окт - Sputnik. Ивгъуыд къуыри Хуссар Ирыстоны барадхъахъхъӕнӕг органтӕ срегистраци кодтой иу фыдракӕнд ӕмӕ цыппар фӕндагон-транспортон цауы, фехъусын кодтой къуырисӕры МХМ пресс-службӕйы.
Уагдоны куыд бамбарын кодтой, афтӕмӕй фыдракӕнд ныридӕгӕн ӕрцыд бӕрӕг, авариты фӕстиуӕгӕн та зианбаййафджытӕ нӕй.
Уымӕй дарддӕр ПАИ кусджытӕ фӕндагон змӕлды ӕдасдзинадмӕ хъусдарды рӕстӕджы рабӕрӕг кодтой 200 фӕткхӕлды. Мидхъуыддӕгты министрады куыд банысан кодтой, афтӕмӕй ӕхсӕз шофыры ныхмӕ бакодтой административон протоколтӕ хӕдтулгӕтӕ нозтджынӕй скъӕрыны тыххӕй.