ЦХИНВАЛ, 4 окт — Sputnik, Плиты Фатимӕ. Хуссар Ирыстоны столицӕйы скъолайы-интернаты бакодтой карантин, фехъусын кодта Sputnik ахуырадон уагдоны директоры хӕдивӕг Бибылты Фатимӕ.
Хуссар Ирыстоны столицӕйы ӕмӕ районты скъолатӕ цадӕггай хизынц карантинӕй, стӕмты ма архайы тобӕ, фӕлӕ фылдӕртӕ раздӕхтысты ахуырмӕ.
"Ӕртӕ сывӕллон фӕрынчын сты коронавирусӕй, уыдон хос кӕнынц хӕдзӕртты. Ӕртӕйӕ та сты рынчын педагогон коллективӕй", - загъта Бибылты Фатимӕ.
Уый ма бафтыдта, скъолайы-интернаты ахуырадон процесс ӕрурӕдтой 13 октябрьмӕ.
Ахуырадон уагдоны карантин конд ӕрцыд Югосетпотребнадзоры рекомендацимӕ гӕсгӕ.