ЦХИНВАЛ, 7 окт — Sputnik. Хуссар Ирыстоны президент Бибылты Анатолий раарфӕ кодта Уӕрӕсейы президент Владимир Путинӕн йӕ райгуырӕн боны цытӕн.
Уӕрӕсейы раздзог цыппӕрӕмы нысан кӕны йӕ 69-ӕм райгуырӕн бон.
"Райс мӕ арфӕтӕ Дӕ райгуырӕн боны фӕдыл. Ӕхсызгон мын у, фадат мын кӕй ис бузныджы ныхӕстӕ зӕгъынӕн Дӕуӕн. Дӕ архайды фӕрцы Уӕрӕсейы Федераци раздӕхта фидардӕр паддзахады ном, фӕбӕрзондӕр ис бӕстӕйы ӕндӕвдад ӕхсӕнадӕмон ӕмвӕзады, уый бакодта историон перспективӕтӕ нӕ бӕстӕйӕн, кӕцыйӕн йӕ хъысмӕт баст у Уӕрӕсеимӕ бирӕ ӕнусты", - дзырдӕуы хъусинаджы.
Хуссар Ирыстоны адӕмы хъуыдыйы, бафтыдта президент, Путины фӕлгонц у тӕссаг знагӕй ирвӕзынгӕнӕг ӕмӕ сабырад хӕссӕг.
Уый бафӕндыд йӕ уӕрӕсейаг коллегӕйӕн ӕнӕниздзинад, ног ӕнтыстытӕ ӕмӕ уӕлахизтӕ Уӕрӕсейы паддзахад ӕмӕ уым цӕрӕг бирӕ нациты хӕрзбонӕн.