ЦХИНВАЛ, 7 окт — Sputnik, Плиты Фатимӕ. Хуссар Ирыстоны столицӕйы дыууадӕсӕм астӕуккаг скъолайы бакодтой карантин республикӕйы санитарон службӕты рекомендацимӕ гӕсгӕ, фехъусын кодта Sputnik ахуырадон уагдоны директор Ӕрсойты Геннадий.
Астӕуккаг скъолӕйы куыст ӕрурӕдтой 20 октябрьмӕ.
"Дыууадӕсӕм скъолайы ахуырдзауты контингент у 486 скъоладзауы, уыдонӕй сӕдӕйӕ фылдӕр сты рынчын коронавирусӕй ӕмӕ сезонон гриппӕй. Авд ахуыргӕнӕгӕн та ис лабораторион уавӕрты сбӕлвырдгонд коронавирус", - загъта директор.
Ӕрсойты Геннадий ма бафтыдта, нырмӕ дӕр скъолӕйы фондз къласы кӕй уыдысты ӕхгӕд.
Уымӕй размӕ, ӕнгӕс аххосӕгтӕм гӕсгӕ сӕхгӕдтой Дзауы астӕуккаг скъола, Цхинвалы скъола-интернат ӕмӕ ӕндӕртӕ.