ЦХИНВАЛ, 13 окт - Sputnik. Хуссар Ирыстоны хицауады сӕрдар Бекъойты Геннадий хайад райсдзӕн ӕхсӕнадӕмон форумы "Российская энергетическая неделя", кӕцы ацӕудзӕн Мӕскуыйы 13-15 октябры, хъусын кӕны республикӕйы хицауады пресс-службӕ.
Форумы сӕйраг программӕйы ис 70 мадзалы, сӕ нымӕцы сесситӕ, тымбыл фынгтӕ, лекцитӕ ӕмӕ ӕндӕртӕ. Форумы хайад райсдзысты 115 фӕсарӕйнаг паддзахады минӕвӕрттӕ.
"Российская энергетическая неделя"-йы хайадисджыты уӕрӕх георграфи ӕвдисы боны фӕткы актуалондзинад ӕмӕ Уӕрӕсейы ахсджиаг бынат дунейон энергетикӕйы. Абоны бон, къабазы егъау ивындзинӕдты периоды, ахсджиаг у кусын националон ӕмӕ глобалон нысӕнттӕ сӕххӕст кӕныныл", - загъта Бекъойты Геннадий.
Пленарон рабадты гӕнӕн ис раныхас кӕна Уӕрӕсейы президент Владимир Путин.
Форум уагъд цӕуы 2017 азӕй фӕстӕмӕ, йӕ нысаниуӕг у – равдисын уӕрӕсейаг энергетикон комплексы перспективӕтӕ ӕмӕ среализаци кӕнын ӕхсӕнадӕмон ӕмгуыстады потенциал энергетикӕйы къабазы.