ЦХИНВАЛ, 29 окт - Sputnik. Президент Бибылты Анатолий бабӕрӕг кодта Ӕддагон разысгӕсты службӕйы (ӔРС) бӕстыхай уагдоны сӕврзӕрды 18 азы бӕрӕгбоны размӕ, хъусын кӕны паддзахады сӕргълӕууӕджы пресс-службӕ.
Бибылты Анатолий раарфӕ кодта службӕйы кусджытӕн ӕмӕ банысан кодта, ӔРС кӕй у ахсджиаг организаци, кӕцы ӕххӕст кӕны ӕддагон ӕдасдзинад ӕмӕ уадзы разысгарӕн архайд.
Бибылты Анатолий раарфӕ кодта Ӕддагон разысгӕрсты службӕйы кусджытӕн
© Photo
Президент бахахх кодта, ӕввахс рӕстӕджы ӔРС-ӕн кӕй фӕфылдӕр уыдзӕн куыст апрелы паддзахады сӕргълӕууӕджы ӕвзӕрстытӕ кӕй ацӕудзысты, уый тыххӕй.
"Ӕввахс перспективӕйы уын куыст уыдзӕн фылдӕр. Политикон процесстӕ, кӕцытӕ цӕуынц Республикӕ Хуссар Ирыстоны, цымыдис кӕнынц не ‘знӕгты дӕр. Ӕмӕ, кӕй зӕгъын ӕй хъӕуы, Хуссар Ирыстоны Президенты ӕвзӕрстытыл уый ӕндавдзӕн", - банысан кодта паддзахады сӕргълӕууӕг.
Бибылты Анатолий ма ӕрхаста бӕрӕггӕнӕнтӕ, кӕцытӕм гӕсгӕ абоны бон, ӕмбӕлон структурӕты анализмӕ гӕсгӕ, республикӕ ӕмӕ йӕ къухдариуӕгадыл негативы 36 проценты цӕуынц Гуырдзыстонӕй.
Уымӕй дарддӕр президенты балцы фӕлгӕтты Ӕддагон разысгӕрсты службӕйы хуыздӕр кусджытӕн радтой республикӕйы паддзахадон хорзӕхтӕ.