ЦХИНВАЛ, 5 ноя – Sputnik, Тъехты Дзерассӕ. Хуссар Ирыстоны сбӕрӕг кодтой 86 ног рынчыны коронавирусӕй, фехъусын кодтой Sputnik майрӕмбоны Югосетпотребнадзоры.
"Нӕ лабораторийы сарӕзтӕуыд 341 пробӕйы иртӕсты, уыдонӕй ӕвӕрццаг фӕстиуӕг равдыстой 86. Ивгъуыд суткӕ ма медицинон хыгъдӕй систой 77 адӕймаджы. Медикты хъусдарды бын сты 2334 пациенты", - загъта Коцты Марина.
Пандемийы райдайӕнӕй фӕстӕмӕ Хуссар Ирыстоны COVID-19-ӕй сӕнӕнизуӕвӕг пациентты нымӕц у 6757.
Югосетпотребнадзоры ӕдӕппӕт пандемийы рæсæг сарӕзтой 48 116 иртӕсты, уыдон бӕрӕггӕнӕнтӕм гӕсгӕ, вирусӕй фӕрынчын сты 9091 адӕймаджы.