ЦХИНВАЛ, 8 ноя - Sputnik, Плиты Фатимӕ. Мадӕлон ӕвзагыл фӕцайдагъ кӕнынӕн сабитӕн фӕзынд ног уӕлӕмхасӕн "Avdan".
Платоформӕйыл уал фӕзынд ирон ӕмӕ дыгурон диалекттыл 300 дзырды бӕрц. Ирд ахорӕнтӕй конд къамты хъӕлӕс амоны сӕ дзурӕн амӕлттӕ.
Цӕгат Ирыстоны Национ телеуынынад "Осетия Ирыстон" куыд амоны, уымӕ гӕсгӕ уӕлӕмхасӕн бацӕттӕ кодтой цӕгатирыстойнаг амалиуӕггӕнӕг Хоранты Алихан ӕмӕ дагестайнаг программист Магомед Кайтагский.
Сӕ хъусинаджы ма дзырдӕуы, ӕввахс рӕстӕджы йӕ кӕй рауӕрӕх кӕндзысты абхазаг ӕмӕ черкесаг ӕвзӕгтӕй.
Амӕй размӕ ма ирон ӕвзаджы размӕцыд, бахъахъхъӕнын ӕмӕ рӕзгӕ фӕлтӕрӕн йӕ сахуыр кӕныныл фӕцайдагъ кӕнынӕн ӕвзонг программистӕ бацӕттӕ кодтой уӕлӕмхасӕнтӕ. Сӕ нымӕцы Плиты Константин ӕмӕ Гӕбӕраты Ӕхсар.
Уӕлӕмхасӕн "Avdan" сӕ телефонтӕм бахастой цалдӕр мин адӕймаджы ныры онг.