ЦХИНВАЛ, 8 ноя - Sputnik. Ирон спортсмен Уалыты Чермен ссис дунейы чемпион уӕгъдибар хъӕбысхӕстӕй U23.
Финалы 74 кг уӕзы категорийы Уалыты Чермен (Уӕрӕсе) рамбылдта Мохаммадсадех Фирузийы (Иран) 7:6 хыгъдӕй ӕмӕ ссис сыгъзӕрин майданы хицау.
Дунейы фыццагады уӕгъдибар хъӕбысхӕстӕй 23 азы кары онг спортсменты хсӕн ацыдысты финалон тохтӕ, 61, 74, 86, 92 ӕмӕ 125 килограммы уӕзы категориты.
Ноджы ма иу ирон спортсмен, Хосонты Азӕмӕт, кӕцы хъахъхъӕны Грецийы командӕйы кад, ссис чемпионаты ӕвзист призер. Финалы уый фембӕлд америкайаг Энтони Кассиоппийӕн.