ЦХИНВАЛ, 11 ноя — Sputnik, Плиты Фатимӕ. Хуссар Ирыстоны донифтонгады магистралон хахх Едыс -Цхинвалыл иуварс кӕнынц авари паддзахадон унитарон куыстуат "Водоканал"-ы кусджытӕ, фехъусын кодта Sputnik уагдоны генералон директоры фыццаг хӕдивӕг Джиоты Инга.
Доны цухдзинад рахатыдысты ӕрмӕст столицӕйы централон хайы.
"Авари рцыд цыппæрæмы бон сихорафон. Бахъыгдард ӕрцыд магистралон хахх. "Водоканал"- ы кусджытӕ архайынц донифтонгад сӕндидзын кӕныныл. Изӕры горӕтмӕ дон цӕудзӕн ӕппӕт гуырахстӕй",- загъта Джиоты Инга.
Хуссар Ирыстоны столицӕ донӕй ифтног цӕуы дыууӕ ранӕй - Едыс ӕмӕ Уанатӕй.