ЦХИНВАЛ, 17 ноя — Sputnik, Плиты Фатимӕ. Хуссар Ирыстоны къаддӕр кӕны коронавирусӕй рынчынты нымӕц. Ноябры райдайӕнӕй абоны онг рынчындӕтты "сырх зонӕ"-йы пациентты нымӕц фӕкъаддӕр ис 183-йӕ 94-мӕ, фехъусын кодтой ӕнӕниздзинад хъахъхъӕнынады министрады пресс-службӕйы.
Ӕнӕниздзинад хъахъхъӕнынады министрады специалисттӕ сахуыр кодтой низӕй рынчынкӕнынады бӕрӕггӕнӕнтӕ фыццӕгӕм ноябрӕй 15-мӕ .
Ӕвӕрццаг тенденци райдыдта, республикикӕйы тобӕтӕ куы бакодтой, уый фӕстӕ. Министрад бавдыста ӕрмӕст стационары чи хос кӕны, уыдон статистикӕ.
Фӕззӕджы райдайӕны Хуссар Ирыстоны сбирӕ сты коронавирусӕй рынчынтӕ. Ӕнӕниздзинад хъахъхъӕнынады министрады бахъуыд уӕлӕмхас "сырх зонӕ" бакӕнын. Уый фӕстӕ Оперштаб 19 октябрӕй ӕрурӕдта сабидӕттӕ ӕмӕ скъолӕты куыст. Тобӕ сӕвӕрдтой массон мадзӕлттӕ ӕмӕ чындзӕхсӕвтыл дӕр.