ЦХИНВАЛ, 24 ноя — Sputnik. Филиппинты 124 азы кары йӕ цардӕй ахицӕн дунейы иууыл карджындӕр адӕймаг Франциска Сусано, хъусын кӕны РИА Новости горӕт Кабанкаланы хицауады хъусынгӕнинагыл ӕнцойгӕнгӕйӕ.
"Хъыгзӕрдӕйӕ райстам хъусинаг, нӕ уарзон Франциска Сусано кӕй фӕзиан ис, уый фӕдыл. <…> Мах дзы кӕддӕриддӕр уыдзыстӕм сӕрыстыр", - фыст ис публикацийы.
Карджын сылгоймаджы амӕлӕтты аххосаджы тыххӕй хъусинаджы ницы бӕрӕг информаци ис. Бынӕттон ӕнӕниздзинадхъахъхъӕнынадон хайады куыд фехъусын кодтой, афтӕмӕй сылгоймагӕн ницы вирусон низы симптомтӕ уыд.
Сусано Франциска райгуырд 1897 азы 11 сентябры. Уымӕн йӕ статус, куыд иууыл карджындӕр адӕймаг, афтӕ фидар ӕрцыд Гиннессы рекордты чиныджы.