ЦХИНВАЛ, 1 дек - Sputnik. Цхинвалы ӕфсӕйнаг исӕн пункты территорийыл ссардтой тӕссаг хӕстӕрмӕг, хъусын кӕны Хуссар Ирыстоны мидхъуыддӕгты министрады пресс-службӕ.
Ссарӕггаджы тыххӕй министрады радгӕсон хайадмӕ фӕдзырдта пункты кусӕг.
"Бынатмӕ ацыд Цхинвалы милицийы хайады слестгӕнӕн-оперативон къорд ӕмӕ МСНК сапертӕ. Уыдон сбӕрӕг кодтой, тӕрсаг хӕстӕрмӕг кӕй у 125 мм калибры танчы нӕмыг, кӕцыйы мидӕг ис рӕмудзӕн ӕрмӕг", - дзырдӕуы хъусинаджы.
Рӕмудзӕн ӕрмӕг раластой МСНК сапертӕ дарддӕр сӕнӕзианхъом кӕныны тыххӕй.