ЦХИНВАЛ, 6 дек — Sputnik, Плиты Фатимӕ. Хуссар Ирыстоны столицӕйы къуырисӕры бакодтой цырт Советон цӕдисы дыууӕ хатты хъайтар Плиты Иссӕйӕн, йӕ ном цы скъола хӕссы, уый кӕрты.
Мадзал ацыд цытджын уавӕры, республикӕйы разамынды хайадистӕй.
Цырт балӕвар кодта Цхинвалы фарастӕм скъолайӕн проект "Аллея российской славы".
Ирыстоны ӕфсӕддон элитӕйы иууыл ирддӕр минӕвар Плиты Иссӕ иухуызон стыр кад ис Ирыстоны хуссары ӕмӕ цӕгаты дӕр. Номдзыд фӕтӕджы номыл Цхинвалы ис уынг, скъола, цырт, йӕ номыл цӕуынц турниртӕ.
Анатолий Бибилов принял участие в церемонии открытия бюста Дважды Герою Советского Союза Исса Плиева
© Пресс-служба президента РЮО
Стыр фыдыбӕстон хӕсты хъӕбатырдзинадӕй дарддӕр Плиты Иссӕ рсгуыхт Кубайы Карибаг кризисы, уый разамынд дӕтта уым уӕвӕг советон ӕфсадӕн. "Сӕрибардзинады сакъадахы" уымӕн ӕвӕрд ӕрцыд цырт дӕр.
Плиты Иссӕ райгуырд 1903 азы. 1936 азы къухдаириуӕг кодта Монголы республикӕйы революцион ӕфсады иумӕйаг ӕфсӕддон скъолайӕн. Советон цæдисы дыууæ уæлдæр хорзæхæй дарддæр ма у Монголийы адæмон республикæйы хъайтар дæр.