ЦХИНВАЛ, 12 дек — Sputnik, Плиты Фатимӕ. Хуссар Ирыстоны сывӕллӕтты хореографион ансамбль "Арвырон" райста V ӕхсӕнадӕмон фестиваль "Национальная премия имени Айседоры Дункан"-йы Гран-при кафт "симд"-ӕй , фехъусын кодта коллективы къухдариуӕггӕнӕг Тедеты Ацӕмӕз.
Конкурс цыд 10-12 декабры горӕт Железноводскы.
"Мах райстам фестивалы сӕйраг приз - гран-при симдӕй. Ноджы ма сфӕлдыстадон коллектив сӕххӕст кодта дыууӕ кафты "хонгӕ" ӕмӕ "аварский перепляс", уыдонӕй дӕр райстам фыццаг бынӕттӕ", - загъта уый.
Хуссар Ирыстоны сывӕллӕтты хореографион ансамбль "Арвырон"-ӕн бындур ӕвӕрд ӕрцыд 2018 азы. Нырмӕ коллективон бантыст цалдӕр ӕхсӕнадӕмон фестивальты расгуыхын.